上門補習
作為其中一屆文憑試嘅考生,明白同學喺面對數學卷嘅時候所有嘅忐忑不安,有太多未知數令 呢份卷睇嚟無從入手。小編都係個數理極差嘅人,由細到大冇試過合格,當年連學校老師都覺 得我只可以攞到2。但係出乎所有人嘅意料之外,小編最後竟然攞到4!究竟有咩秘訣係岩身 為數渣嘅我哋,都可以坐4望5呢?
1. study leave嘅事前準備
好多同學仔往往去到考之前一個月先開始準備溫書,最速成有效嘅方法就係去書局買一本雞精 ,內容要有齊中一至中六所有嘅知識點,要夠簡潔清晰。先速讀幾遍,確保自己大致明白所有 必考概念。然後,要仔細咁標記出所有需要背誦嘅公式,以便日後翻查。 另外一件需要事先準備嘅事係準備好歷屆文憑試試題,by topic同by year都要預備好。至於答 案,小編好推介同學仔直接去書局買本試題答案,有齊哂MC詳解,唔洗另外花時間整理。
2. study leave期間
一般study leave會有大概一個月嘅時間,首十日先完成所有by topic嘅題目,每日做大概5-10 個topic,唔需要計時,亦可以一邊睇公式一邊做,重點係一有唔識嘅題目,要完全搞明白先 可以繼續做落去。跟住十日,開始做by year,每日做一年,今次要計時,可以偶爾攞翻啲公 式嚟睇,做完一份卷要計分。最後十日,重做by year,今次要計時,亦唔可以睇公式,盡量 喺限時內做完,最後亦要計分。
3. 考試之前
考試之前嘅幾日,要睇翻曬之前做錯嘅題目,考下自己係咪真係明左。然後,要背熟哂考試要 用嘅公式(利用短期記憶),入考場之前都要繼續背公式。
如果喺做卷嘅同時真係遇到唔明嘅題目,千祈唔好嫌麻煩,有幾個方法你可以試下:
  • 搵學校老師
  • 上網睇人解題
  • 問你嘅同窗
  • 睇答案集
恭喜你,只要你認真照住上面嘅步驟去做,唔偷懶放水,坐4望5一定無難度!