上門補習
就黎考 DSE 喇喎,我應該做啲咩準備啊? Study Leave 期間必準備嘅野!

相信好多中六同學都會諗 Study Leave 可以點樣計劃自己嘅讀書進度,而 Study Leave 作為最後衝刺嘅時間,對 DSE 考生黎講係十分重要嘅。咁今日就等 MyTutors 嘅小編同你分享下Study Leave期間可以做啲咩啦!

1. 科目分配比重
雖然話 Study Leave 成日唔洗返學但其實一日嘅時間好快就過,同學要懂得好好分配每日嘅時間。每日可以分配一啲想考高分嘅科目同較差補底嘅科目一齊溫,做較拿手嘅科目可能會更有效率,而冇咁好嘅科目效率可能慢啲,所以可以做一啲冇咁擅長嘅科目做到攰嘅時候就做一啲較擅長嘅科目。而分配係一日咁樣溫2-3科就最好,當然整個 Study Leave 期間都需要去cover全部科目都溫一次嘅。
2. 操 Past Paper
相信到最後一刻,同學仍然有啲past paper係未操過或者要操多一次嘅,而令自己有更清楚嘅概念究竟自己仲有啲咩未操或者再操多次,我建議同學可以分科目咁將全部要操嘅past paper都列曬出黎,例如:中文分開卷一/二/三,之後分年份。如果做完一份就可以係隔離剔返!咁樣做完就剔可以令自己做完更有成功感。更可以令同學有概念每日要操幾多卷,距離目標仲有幾多,亦提醒自己唔可以淨係操曬同一科,要每日分配唔同嘅科目。
3. 時間分配
一日嘅時間其實好快就會過,所以同學需要係前一晚就計畫好要溫嘅科目同時間分配,並係第二日跟住時間表工作,相信會更有效率。而想令自己更有專注,可以運用 FOREST 軟件,等自己溫習個陣種樹,唔掂手機,程式裡面更有排行榜,可以比較自己同朋友嘅溫書時間,彼此之間會有良性競爭,亦更加有動力。
4. 學習夥伴
有時候成日自己一個溫書,一定會覺得沈悶,不時可以約朋友一起去一啲付費嘅自修室溫書,可以一邊食野一邊溫習,亦有朋友一起陪著溫書,會更加有動力,唔識嘅野都可以互相指教。幾個朋友也可以一起開一個 WhatsApp Group 係專門交流學習嘅,可能係每日分享一條數字題目,一條中文/英文作文題目,互相學習下對方作文嘅橋,係一個互助互利嘅交流。
5. 調整心態
DSE考試除左你本身嘅知識儲備,你當日嘅心理狀態亦好重要。所以 Study Leave 期間也唔好太過讀書,需要比自己腦筋靈活轉動、放鬆嘅機會。話比自己聽當日就係好似平時咁入去做份卷,唔好有太大心理壓力,先可以更自如咁發揮得最好!

Leave a Comment

Your email address will not be published. Required fields are marked *